Tilkomst
Mardalvårstøylen i Jardalen ligg om lag 1 times gange frå heimegardane.
Bruk av stølen
Denne stølen er truleg ca. 150 år gamal. Vi sakser frå "Stadnamn i Mardal krins" (III):
"På Mardalsstøylen var dei eldre sela utan vindauga. Dei hadde berre ljore. Elles har dei fleste glas i gavlveggen. Det gamle Rass-selet på Vetlestøylen har berre ljore, og må minst vere so gammalt som Vetlestøylen. Kanskje er det flytt frå støylen på Gamletuftene. Der stod det hus om lag 1840, so flyttinga har kan hende gått føre seg kring 1850. På Gamletuftene stod altso den gamle støylen før husa vart flytt inn der Vetlestøylen står no. Husmurar syner enno, og kviegarden til Tue og Elvebakk er godt synleg."
Gamletuftene skal ligge noko nedanfor Vetlestøylen.