Tettstaden Nordfjordeid ligg innerst i Eidsfjorden i Nordfjord. Den gamle handelsstaden på garden Gjerde er i dag ein del av sentrum i tettstaden. Hovudbygningen ligg med fasaden ut mot Eidsgata. Gjestgiveriet har hatt fleire namn opp gjennom tidene, det siste var Yris hotell.
Frå 1960-åra har det gått føre seg ei omfattande samanslåing av bankar i større og større einingar. Denne prosessen starta først på 1970-talet i Sogn og Fjordane, og resulterte i fylkesbanken Sparebanken Sogn og Fjordane i 1988 med hovudsete i Førde. Dette vart den største bankeininga i fylket, i 2001 representert i 19 av 26 kommunar.
Leikanger Sparebank, skipa 1864, gjekk 1. april 1988 med i den fylkesomfattande Sparebanken Sogn og Fjordane. I 1992 flytte banken inn i næringsbygget sitt på Hermansverk. Det var den fjerde flyttesjauen i løpet av 54 år.