Norsk Barneblad i 1905
Frå 1902 kom Norsk Barneblad ut i Oslo, og i 1905 var Rasmus Løland bladstyrar.
Om hendingane i 1905
I 1905 kom Norsk Barneblad ut med 52 nummer. I tre av nummera står det om dei store hendingane dette året, oppløysinga av unionen med Sverige. I juni stod stykket med tittelen "Den 7de juni", i august om folkerøystinga den 13. august, og i desember om den nye kongen, "Haakon den 7de."
1905-stykka i Norsk Barneblad i tekst og lyd
Skrivemåten i 1905 var annleis enn i 2004. Lærar Odd Njøs, Leikanger, har skrive dei originale tekstane om til nynorsk målform av i dag, og lese dei inn på lydband. Nedanfor finn du koplingar til dei originale tekstane, dei omskrivne tekstane, og opplesingane.
Norsk Barneblad i 2004
Norsk Barneblad år 2004 er - som for hundre år sidan - eit nynorsk blad for barn mellom 8 og 15 år, men som også mange eldre har glede av. Det inneheld skjønnlitterære forteljingar, aktuell sakprosa for barn og ymse slag stoff laga av born. Trass sine 117 år - det eldste barnebladet i landet - lever Norsk Barneblad i beste velgåande, held seg ungt og friskt, og "flyg ut i Noreg", som Sysvorti gjorde det i 1887, til kring 5000 tingarar.