Gilja på Galdeverpet i Ortnevik i Sogn rakk tolv meter over sjøen. På denne staden har det vore fiska laks i over 150 år. Ei tid var det over femti aktive lakseverpe i Sognefjorden. Fleire av dei skaffa store inntekter til eigarane sine.
På garden Tue i Balestrand har det i kring 200 år vore lakseverpe eller laksegilje som dei sa. Gilja stod i vika mellom Tusshamrane og Tussneset. Me høyrer første gong om fisket her i 1782, men truleg var det eldre. I periodar fiska dei godt. I 1895-åra leverte dei laks for kring 500 kroner. Det var mykje pengar den gongen.
Mange stader langs kysten har det føregått kobbefangst frå land. Ei lun vik med skjer og nakkar nær stranda var eit godt utgangspunkt for kobbeskyttaren. Men kobben er vár, og eit vern eller skjul som skyttaren kunne løyne seg bak, var nødvendig.
Bjarne Huseklepp fortel i juleheftet Jul i Sunnfjord (1989) om revefangst med fangstreiskapen r e v o m n. Han var med fyrste gongen som fire-åring for å sjå om reven hadde gått i fella. Seinare i livet dreiv han fangst sjølv. Stykket hans "Revomn frå Guddal" er her attgjeve slik det står i Jul i Sunnfjord, men med redigerte mellomtitlar.
Reven har mange fiendar. Slik har det alltid vore. Mennesket har vore ute etter skinn og skotpremie, og fangstmannen har funne fram til fleire slag fangstmåtar og ulike slag fangstreiskap. - Røvomn var ein vanleg reiskap, heilt frå "neandertalar-tida", sa Kjartan Leirpoll då han i 2004 fortalde om ein røvomn i utmarka på garden Leirpoll i Fjaler.