KLEPPA – UTFART OG FRILUFTSLIV I GAMLE STØLSOMRÅDE, står som overskrift på eit informasjonssskilt, oppsett hausten 2020. Det var år 1963 dei første bilane køyrde til Kleppa, og det tok berre eit par månader å byggja dei siste 1660 metrane av vegen frå Røysa til Kleppa.
Vegarbeid før krigen var krevjande og hardt. Mykje av arbeidet føregjekk med handemakt, og det var farefullt og vanskeleg. Gaularfjellsvegen, som vart bygd i 1936-1938, hadde rundt 200 arbeidarar på det meste. Sjølv om ulukkesfrekvensen var låg, hende det at det skjedde ulukker.
Det knytte seg store forventningar til vegsambandet over Gaularfjellet etter opninga i 1938. Det var difor viktig å få vegen farbar så fort råd var etter vinteren, men under og like etter krigen var ikkje vegvesenet i stand til å skaffa utstyr for å opna Gaularfjellsvegen. Vegen måtte difor mokast med handemakt.